Group: Socialismo

Kara Riŝo,
mi ja devas fari korekton al via mesaĝo. Kreŝo Barkoviĉ neniam estis maldungita el SAT. Malgraŭ la protestoj de multaj francaj “kamaradoj” pri kiu eĉ estas kelkaj kiuj forlasis SAT ĉar mi rifuzis maldungi Kreŝon. Kelkaj aliaj francoj fondis la Eldon-kooperativon por eviti ke la mono, la gajno de la eldonoj estu uzataj por pagi la salajron de Kreŝo. Ili eĉ ne hontas pri tio. Jen la kamaradeco de SAT. Mi estas nur maldekstrulo sed ne ligita al partipolitiko. Mi ne devas fari kion la politika sekretario diras kaj ordonas al mi, sed iras propran vojon ĉiam demandante mi mem; “estas tion kion mi faras honesta? Ĉu kion mi faras akordiĝas kun la etiko de maldekstrulo?
Kiam vi ne kredas min, vi rekte direktu vin al Kreŝo mem. Kiam vi ne havas lian adreson mi volonte sendos ĝin al vi pere de privata mesaĝo. Vi nur devas peti kaj mi sendas.

Mi daŭre ne estas diplomato sed absolute honesta persono kaj tial diplomatecon mi lasas al la mensoguloj kaj manipulantoj de la vero.

Eble estas via percepto de faktoj ke mi verŝas oleon sur la fajro, sed evidente vi ne legis la privatajn mesaĝojn kiujn mi devis engluti pro fakto ke mi laboris por SAT kaj kredu min ke mi laboris, tage kaj nokte kaj tion dum jaroj.
Estas facile kritiki min nun, sed mi memoras kiam mi petis vian helpon kiel korektanto de la revuoj, vi ne havis tempon. Nu mi ĉiam havis tempon por SAT malgraŭ mia aĉa karaktero.

SAT ne plu estas laborista asocio sed simple asocio en kiu regas la komunistojn.
Ĉiam estis la fortaj/ malfortaj konfliktoj inter la Frakcioj kaj tio estas normala. Sed kie estas la Paca Frakcio nun? Kio pri Liberecana Frakcio kies revuo mi prizorgis ĝis mi estis elektita kiel prezidanto de P.K. kaj mi konsideris tion malhonesta direkte al kamaradoj kun aliaj ideoj ke la prezidanto de la asocio profiligis sin kiel anarkiisto.
La Francaj komunistoj en SAT mortdorlotas homojn por havi ilin ĉe ilia flanko. Ili agadas kiel la ekstrem-katolikoj en Flandrio. Kaj fakte ili estas sama kiel la katolikoj. Kiu ne estas por mi estas kontraŭ mi kaj do malamiko!

En SAT kongreso en Parizo jam montriĝis ke anonciĝis problemoj, kiam ni la ordinaruloj en SAT devis konstati ke grupo da aktivuloj (jes plejmulte komunistoj) ne metis sin ĉe tablo kun la “kamaradoj” sed nepre volis manĝi en aparta salono. Ili ne devis batali por matene havi pli ol unu bulkon aŭ ne devis plendi pri la malbona kvalito de la manĝo. Kaj estis tiu ne diplomata prezidanto kiu devis zorgi ke restis trankvilo en la kongreso dum la komunistoj festis sian manĝon en aparta salono.

Montriĝis kaj tion mi scias nur de antaŭ kelkaj tagoj, ke la Markovoj jam kontrolis miajn mesaĝojn jam longe antaŭ mi malkovris tion. Kial? Ĉar mi laboris tro peza por la asocio? Aŭ kion mi faris tro por ke mi estu punata kaj forigita el la asocio. Kie troviĝas la ”socialismo ene de tiuj agadoj?

Vito faris la eraron bloki mesaĝon de mi kiun mi reage sendis en la nederlanda, al ĉiam la samaj francoj kiuj altrudas al la membrojn ilian imperiistan francan lingvon. Ĉar li ne elturniĝis el la mesaĝo kaj ne komprenis ĝin, li simple blokis ĝin kiel flandroj estas kutimaj de la franc-parolantoj en la lando kie mi loĝas.

SAT uzas sistemojn de totalismo kaj diktatoreco, kaj vi ne povas nei tion.
Denove estas alia krizo en SAT. Krizo kiu kaŭzas ke denove pluraj homoj forlasas SAT. Ke iu peranto de SAT eksiĝis malgraŭ membreco de dekoj da jaroj. Li ne havas la ĝustajn ideojn. Ne la samaj kiel mi havas sed aliaj ne ĝustaj. Totalismo regas SAT. La asocio kiu iam estis laborista asocio nun ne plu havas ekzisto-kialon.

La temo ja estas perfekte por diskuti en listo kiu rilatas socialismo, ĉar ĝi montras ke ekzistas laborista asocio kiu estas plene putrigita kaj pri la basa socialisma idearo de tiu asocio restas neniu plu.

Mi estas 3 foje sinsekve akceptita de la membroj kiel prezidanto. Estas nur pro la agadoj de la Markovoj kaj kun helpo de Levi ke oni malebligis ke mi plu agadu en SAT .
La “novaj francaj kamaradoj” solvus ĉiujn problemojn. Oni ne plu bezonis min. Ili kreus ek de nun la revuojn. Nek Sennacieca Revuo, nek Sennaciulo plu aperas. La agado de la komunistoj ŝajne ne estas la solvo por la asocio. La ne diplomata kreteno produktis kaj laboris kaj neniam malebligis iun esprimiĝi. Dum la tempo ke mi prizorgis Sennaciulo la membroj havis akurate ĉiun duan monaton la revuon, eĉ sen ke vi perdis tempon korekti. Mi ne volas paroli kiel mi devis batali por ke la korektantoj faris ilian laboron. Ĉiam denove mi devis petegi, preskaŭ surgenuigi por ke ili farus laboron, kvazaŭ ili estas suĉinfanoj kiuj ne memstare povas labori.

Baldaŭ estas la Unua de Majo mi ne jam vidis novan Sennaciulon ĉi jare. Nek en la reto nek en la postkesto de FEL kie mi nun povas legi Sennaciulo kiam mi emas kaj kiam ĝi iam aperos.

Havu belan festotagon. Estu bona Unua de Majo en kiu laboristoj povas festi ke ili liberigis sin de dogmoj, subpremoj kaj ekspluatadoj. Restas multe da laboro por fari. Kiam ni vidas nun ke laboristoj kiuj dum jaroj estas socialistoj nun serĉas ŝirmilon sub tegmento de ekstremismo de dekstro kaj maldekstro.
Estas festotago, sed iom amara festotago, kiam mi vidas kio okazas en Eŭropo kaj kun la laboristoj kiuj volas havi la liberecon por kiu ili batalis kaj la multaj batalantoj antaŭ ili.

maldiplomate via Jakvo