A Giridhar RAO's articles with the keyword: barato

Ĉirkaŭ 9 300 arboj estos forhakitaj por konstrui ŝoseon, sude de Hajderabado , en suda Barato . El tiuj ĉirkaŭ mil arboj estas grandaj, maljunaj banjanoj ( Ficus benghalensis ). La civitana grupo "Naturamantoj de Hajderabado" ekfaras kampanjon por savi la banjanojn kaj aliajn arbojn kiuj ofte ne postvivas translokiĝon. Jen la surreta peticio (anglalingva). Kaj jen kampanjo tute subteninda -- bonvolu subskribi ĝin! La peticio memorigas nin, ke laŭ la grupo Global Forest Watch (retejo p…

Nokte venis en la koron via memoro Kiel en sovaĝejon kvieta printempo Kiel en dezerton lanta vento Kiel al malsanul' ial paco. Jen mia esperantigo de verso de Faiz Ahmed Faiz . La verso en la hindustana (en la skribo nagario ) tekstas jene: रात यूँ दिल में तेरी खोई हुई याद आई जैसे वीराने में चुपके से बहार आ जाए, जैसे सहराओं में हौले से चले बाद-ए-नसीम जैसे बीमार को बे-वजह क़रार आ जाए. Latinlitere, laŭ la sistemo ITRANS ( pria artikolo anglalingva ): raat yuu.N dil me.n terii…

Merkredon, la 28an de junio, okazis amasprotestoj en multaj urboj en Barato. La protestoj temis pri atencoj ĉefe kontraŭ dalitoj kaj islamanoj, sed ankaŭ kontraŭ aliaj, ekzemple ateistoj. Tiuj ĉi atakoj rangas de minaco kaj batado ĝis mortigo kaj eĉ linĉado. Vidu mian eseeton " Ondo de netoleremo en Barato " (paĝoj 13-14 en la bulteno Ateismo , majo 2015). Mi partoprenis la manifestacion en Bengaluro. Amiko (sperta ĵurnalisto) taksis, ke 300-400 homoj ĉeestis la amasproteston…

"Historiaj lingvaj diskriminacioj en Barato" estas titolo de intervjuo kun mi kiu aperis en la aprila numero de Heroldo de Esperanto ( HdE ). La intervjuinto estas Massimo RIPANI, ĵurnalisto kaj tradukisto. S-ro Ripani sendis siajn demandojn retpoŝte, kaj mi same respondis. La redaktoro de HdE , Fabrício VALLE afable donis permeson al mi publikigi la intervjuon. La PDF-a versio de tiu paĝo el HdE estas ĉi tie . Sed por faciligi la legadon, ankaŭ legeblas teksta versio de la inte…

Kiam la hindia verkisto Uday Prakash [udej prakaŝ] anoncis, ke li redonas sian premion al la nacia beletra akademio, Sahitya Academy [sahitja akademi], neniu supozis, ke dekoj da verkistoj kaj intelektuloj sekvos lian agon. Sed okazis kaj daŭre okazas ĝuste tio. Ili protestas kontraŭ la ondo de netoleremo tra la tuta lando ekde kiam la nuna registaro -- dekstrema, hindunaciisma koalicio -- gajnis potencon en 2014. De 2013, tri konataj ateistoj estis murditaj en Barato: N. A. Dabholkar (2013);…

Je la Internacia tago de senperforto okazis prelegaro en Hajderabado, Barato, danke al la diskutrondo Manthan ( anglalingve ). Inter la prelegantoj estis d-ro Ajai [aĝej] SAHNI ( anglalingve ), fakulo pri konflikt-mastrumado. Li parolis pri diversaj fontoj de perforto en aktuala Barato. Inter ili estis la malfortecoj de la barata eduksistemo. Jen kelkaj el tiuj malfortecoj diskutitaj en lastatempa referaĵo mia (Rao 2013; esperanta resumo ). La raportoj ASER . Laŭ ĉi tiu jara raporto, e…

La popola lingvo-enketo de Barato (angle: People's Linguistic Survey of India, PLSI ) jam registris 630 lingvojn en 27 gubernioj de la lando. Tion sciigis al ni Ganesh N Devy [devi; EN ], la inicianto de tiu ambicia projekto. Ni jam skizis la projekton en tiu ĉi blogaĵo . La 31an de majo 2012, d-ro Devy estis en Hajderabado por kunordigi labortendaron. En la labortendaro, estis ĉ. 10 parolantoj de la diversaj indiĝenaj lingvoj de la gubernio Andhrapradeŝo. Ili okupiĝas pri la lerneja eduka…

El Delhio hieraŭ vizitis Hajderabadon funkciulo de la fondaĵo Vikimedio . Kvankam nur ĵaŭde oni anoncis kunvenon, tamen vendrede vespermaĝis kune naŭ vikipediistoj. La babilado estis kaj amikeca kaj pensinstiga. Oni festis, inter alie, la mejlŝtonon de la 50-mila artikolo en la telugua Vikipedio. Ĉi-foje (malsimile al la pasinta fojo ) ankaŭ amiko Siva sukcesis trafi la aranĝon. Ĉirkaŭ la tablo do estis ankaŭ Esperanto (161 mil artikoloj), krom la telugua , la tamila…

Lernejoj por indiĝenaj infanoj en Barato gamas je betonaj konstruaĵoj ĝis portempaj, senmuraj dometaĉoj: jen tri fotoj lastatempe faritaj de mia edzino Rekha ABEL en vilaĝo ĉe la norda limo de nia gubernio Andhrapradeŝo . Tuj trans la gubernia limo estas la distrikto Dantewada [daantevaada, EN ] kie okazas perforta, armita konflikto inter la registaro kaj la naksala movado . Inter la plej vundeblaj viktimoj de tiu ĉi konflikto estas infanoj. Lastatempa artikolo en la (anglalingva) revuo…

Okazis hodiaŭ en Hajderabado, kunveno de vikipediistoj . Ĝi estis ero de la aro da kunvenoj kiujn organizas Wikimedia India (pri la kunveno angle ) . Ĉeestis ĉ. 30 da homoj, inter ili kelkaj dediĉitaj kontribuantoj al tiu reta enciklopedio. Estis interese lerni pri la toleremo de la tamilaj vikipediistoj pri la diversaj dialektoj de la tamila uzataj en la artikoloj tiulingvaj; inter la plej aktivaj kontribuantoj estas tamilparolantoj el Srilanko, kies tamila estas sufiĉe ma…

Bhasha Research and Publication Centre ( En ), barata neregistara organizaĵo por indiĝenaj popoloj, lanĉis Popolan lingvo-enketon de Barato (angla mallongigo: PLSI). (Bhasha [bhaaŝaa] estas sanskrita vorto por "lingvo" uzata en pluraj barataj lingvoj.) Laŭ G N Devy ( En ), kiu kunordigas la iniciaton: "En marto 2010, Bhasha organizis landan kunvenon en kiu partoprenis reprezentantojn de 320 lingvojn. [Notindas, ke Bhasha petis UEA-prezidanton P Dasgupta sendi mesaĝon - Giri.] En la f…

Barata parlamentano de la insuloj Andamanoj kaŭzis furoron pro siaj proponoj pri la indiĝenaj popoloj la Ĝarvoj (angle: Jarawa). Li mem ne estas indiĝeno. Li rimarkis, ke "la draste malgrandiĝinta malamikeco inter la Ĝarvoj kaj la "ĉefflua popolo" kuraĝigis ambaŭ flankojn renkontiĝi ofte". Jen io kio okazas spite de la oficiala politiko de "izoleco / nekontakto". La parlamentano diras, ke tiuj ĉi kontaktoj "enkondukas nedezirindajn sciojn kaj kutimojn, kaj ankaŭ rasan malpurecon.…

Lastatempe aperis mia recenzo (anglalingva) de historio de la angla lingvo en Barato, This Gift of English , verkita de Alok Mukherjee [mukherĝi]. Ĝi legeblas en la aktuala numero de la beletra revuo Muse India . Mukherjee argumentas, ke la angla estis io ne nur altrudita al Barato, sed, ke troviĝis en la lando sufiĉe da elitoj (t.e. altkastanoj) kiuj bonvenigis la anglan pro siaj diversaj kialoj. Sociaj reformemuloj kiel Raja Ram Mohan Roy bonvenigis la anglan kiel modernigilon…

Same kiel en 2008 , ankaŭ ĉi-jare kunvenos en Hajderabado lingvoinstruaj institutoj por festi la Eŭropan tagon de lingvoj . La festeroj inkluzivas fimfestivalon, lingvofoireton kaj seminarion. Anglalingva broŝuro kun mia teksto pri la Tago legeblas PDF-e . La 18an de septembro okazos tuttaga filmfestivalo en Universitato por la angla kaj fremdaj lingvoj (angla akronimo: EFLU ) - oni planas elmontri anglajn, francajn, germanajn kaj rusajn filmojn. Posttagmeze kaj vespere viziteblos diver…

Je la 9a de julio, mi partoprenis Lingvan Festivalon en Mariboro, Slovenujo pere de la interreta telefono Skajpo : tre interesa sperto! Mi parolis pri la urdua kiel lingvo kaj kulturo. La lumbildaro legvideblas ĉe http://www.slideshare.net/agrao/la-urdua-lingvo-kulturo La maribora esperantistino s-ino Vesna Obradović [obradoviĉ] - Printempo por ni Ipernitianoj - kunordigis la sesion. Jen la bazaj informoj pri la Festivalo Lent . Tamen, la listo de prilingvaj prezentaĵoj apera…

" Stranga kaj amara rikolto " - Jen titolo de artikolo en la (anglalingva) revuo Tehelka pri la malĝoja sorto de indiĝenaj infanoj en suda Barato. Temas pri infanoj de indiĝenaj popoloj el la nordorienta gubernio de Meghalajo , kiuj loĝas kaj studadas kelkmil kilometrojn for en la suda gubernio de Karnatako - atingebla post 50-hora trajnvojaĝo - en (loĝ)lernejoj starigitaj de la hindu-dekstrisma organizaĵo RSS! Vere horora estas la rakonto pri la maniero kiel oni persvadis gepatroj…

Laŭ ( anglalingva artikolo de) aktivulo Paritosh Chakma, en la nordokcidenta gubernio de Mizoramo en Barato, ĉakma-parolantaj infanoj havas instruistojn kiuj apartenas al la plimulta etnogrupo Mizoj. S-ro Chakma aldonas, ke "ili ne loĝas en la vilaĝo kie ili devas instrui, kaj ne povas instrui la ĉakma-infanojn kiuj komprenas nek la lingvon miza, nek la anglan". Sekve, laŭ la popolnombrado de 2001, dum la legipoveco inter la Mizoj estas impona 95,6%, nur 45,3% de la Ĉakmoj estas legipovaj; kaj…

Eseo mia kun tiu ĉi titolo - " La barata ekonomio: miraklo neefika " - aperis en la revuo Monato en oktobro 2008. Laŭ la eldoneja stilo, oni ne inkluzivis la fontindikojn de tio kion mi asertis kaj argumentis. Jam en aprilo 2008, mi havis pli plenan version de la eseo, sed, interkonsente kun Monato , atendis ĝis la revua aperigo antaŭ ol alŝuti ĝin al mia retejo. Nun, relegante la eseon (preskaŭ unu jaro post la pretigo de tiu ĉi versio sur mia komputilo!), mi konstatas, ke malgraŭ…