Bernardo's articles with the keyword: lernolibro

Ni jam vidis, ke poemoj povas faciligi lernadon: Karl Vanselow verkis tutan lernolibron de Esperanto por germanoj en rimoj, en "Tesi la testudo" aperas belaj poemoj de Brice-Heywood kaj Piron . Kaj jen kuriozaĵo el la jaro 1909 de la "Esperanto-poetino" Marie Hankel - ehem, eble ne same bela.

Jam antaŭ kelkaj monatoj mi atentigis pri la "verda trobadoro" Karl Vanselow (1877-1959), i.a. fondinto de Berlina Esperanto-Ligo post 1945 kaj Esperanto-poeto, kiu verkis tutan lernolibron por germanoj en rimoj. Intertempe Roland publikigis kelkajn el la poemoj de Vanselow kaj pliajn materialojn . Ni iom rigardu, kiel Karl raportas pri lingvaj demandoj - kompreneble en rimoj ...

Unu el la plej ampleksaj lernolibroj de Esperanto kaj certe la plej riĉe ilustrita estas tiu de William S. Benson, "Universala Esperanto-Metodo", Newark, New Jersey (Usono) 1932, 559 p. Ĝis antaŭ nelonge ĝi estas sekreta konsilo inter libro-amantoj, "a must have" (nepra havindaĵo). Nun Vaughn Seward kaj lia patro skanis la tuton por vi. Danku lian laboregon per foja alklako, plonĝu en la usonan mondon de la 1920-aj kaj simple amuziĝu. But take care: Nothing for the timid or shy!