Karel Havlíček kaj Brikseno

„Havlíček en Brikseno – fama ĉapitro el la ĉeĥa-aŭstra historio en la nova perspektivo“ – jen la origina titolo de la programero prezentita de Margit Turková (Ĉeĥio) la 29-an de septembro 2012 dum la Trilanda konferenco en Břeclav, lige al ĝia ĉeftemo „Esperanto kiel vojo al ekkono de niaj najbaroj“. Vi povos en ĝi legi ne nur pri malfacila sorto de ekziligita granda ĉeĥa ĵurnalisto kaj rebelo Karel Havlíček Borovský (1821–1856), signata de la tiama registaro kiel „la plej danĝera ĉeĥo“, sed ankaŭ ĝui specimenojn de liaj verkoj tradukitaj al Esperanto kaj – ankoraŭ ion pli … . La tekston akompanas fotoprezento en PowerPoint pretigita de Pavla Dvořáková. La fotoprezenton vi povas elŝuti en www.ipernity.com/doc/181031/13712872.