mevo



Hans-Georg Kaiser
Esperanto survoje

Esperanto sur la vojo
jam ensorĉas, estas ĝojo,
brilas kiel stel' aŭ Luno,
kiel blanka mev' sub Suno!

Esperanto meve flugas,
nubokampojn gaje plugas,
tute freŝan venton spiras;
Esperanto min inspiras.

Esperanto sur la vojo,
estis mia trov' de Trojo.
Mi ne serĉis tute vane,
prenis lingvo min ĉemane.

Esperanto semokorta
faras min espere forta.
Sur la voj' Esperantio
nutras min per pacvizio.

https://cezaroriginaloj.blogspot.com/