www.ipernity.com/doc/cezar/album/286132/show
Balta Maro Usedom 7, koncerto kun spontana dancparo antaŭ historiaj banĉaroj
OCCUPY - Mi fotis la lokan okupadon pere de la spontana dancparo en koncerto de Heidi Eckardt & Hartmut Haker, kiun ni tie ĝuis, jen bela travivaĵo de nia forpermeso en Bansin, Balta Maro.
CEZAR
DANCU, DANCU, KARULINO!
Dancu! Dancu, karulino!
Dancu longe kaj sen fino,
ĉar dancado serenigas
kaj la amon tre instigas.
Dancu! Dancu kun plezuro,
ĝis karesos vin femuro,
ĝis la zorgoj ekforiĝos
kaj vi mem pro ĝoj' ekkriĉos.
Dancu, dancu kun lascivo,
dancu dece tra la vivo.
Se vi viajn koksojn svingos,
vi neeblan eĉ atingos.
Dancu gaje kun plezuro
vian tangon por futuro.
Dancu valson en la nuno
aŭ eĉ sambon sub la luno.
Dancu! Dancu, karulino,
ĝis la lasta danc' ĉe l' fino,
ĝis la lasta not' elsonos
kaj vin polican' admonos.
Dancu plu eĉ, karulino,
kun la Morto sur la sino,
ĝis Li preni vin forgesos,
pluajn jarojn eĉ promesos.
Dancu plu en la ĉielo
aŭ infere en malhelo.
Dancu ĝis diabloj ridos
kaj la dioj al vi fidos.
Dancu, dancu, karulino,
dancu longe kaj sen fino,
ĉar dancado serenigas
kaj la amon tre instigas.
www.ipernity.com/doc/cezar/album/286132/show
Balta Maro Usedom 7, koncerto kun spontana dancparo antaŭ historiaj banĉaroj
OCCUPY - Mi fotis la lokan okupadon pere de la spontana dancparo en koncerto de Heidi Eckardt & Hartmut Haker, kiun ni tie ĝuis, jen bela travivaĵo de nia forpermeso en Bansin, Balta Maro.
CEZAR
DANCU, DANCU, KARULINO!
Dancu! Dancu, karulino!
Dancu longe kaj sen fino…
(read more)
