Floroj el la Goetoĝardeno en Vajmaro

Hmh, vi tute pravas, iam fikisĝis en mia kapo la vorto "Vimaro", ĉar la turinganoj parte uzis ĝin tiel, sed mi tute akceptas PIVon pri tio, kompreneble, jen nur malnova kutimo de mi, fakte:). El la tempo, kiam la Turingia Ligo ankoraŭ ekzistis. Jam Blazio atentigis min pri tio,li estas mia bona lingva spirito, kiel hungaro tute ne suspektinda pri germanecemo. Vajmaro estas nepre preferinda. Jam pro internaciaj vidpunktoj. Jam la vorto levas internacie diversajn emociojn: Multaj eksterlandanoj unue pensas pri la terura koncentrejo Buchenwald, kaj ni pri la mirinda Goeto, kiun mi ŝatas pli kaj pli. En la koncentrejo Buchenwald mi cetere vidis la restaĵon de kverko, nomata la Goeto-kverko. Tio forte tuŝis min, eĉ la naziaj barbaroj ne kuraĝis faligi tiun kverkon...kia absurda bildo en mia kapo: ĉaroj kun ŝtonoj tirataj de modernaj sklavoj en koncentrejo kaj apud ili staras plu la Goeto-kverko. dokumento pri tempo, kiam Germanio estis ankoraŭ admirata de la tuta mondo (eĉ de Napoleono) kiel lando de humanaj pensuloj kaj verkistoj....