Esperanto-pontolingvo

La afiŝo bonege montras, ke Esperanto - kiel pontolingvo - estas konstruita sur klasikaj, latinaj-grekaj fundamentoj. Nia "Strategia plano por antaŭenigi la lernejan instruadon de Esperanto" rekomendas en la universitatoj kaj altlernejoj la instruadon de Esperanto kiel "kataliza lingvo" al la alproprigo de la klasika, latina-greka, scienca vorttrezoro kaj al kreskigo de pli efika uzado de aliaj lingvoj.
La studentoj de medicino tre facile povus kompreni kaj alproprigi - ekzemple - la esprimon "Atrophia flava hepatis acuta" surbaze de ĝia esperantlingva ekvivalento: "Akuta, flava atrofio de la hepato"... Kaj la estontaj ĝardenisto-inĝenieroj dum sekundoj povus alproprigi la latinajn fakesprimojn "Alnus, morus, quercus" surbaze de kono de "Alno, moruso, kverko"...
Inteligenta hungaro konas proksimume 5.000 esperantajn vortradikojn... :-)
Esperanto povus plifaciligi la vivon de la estontaj generacioj...
Amike
Ludoviko Molnár