Ĉe la rivero Mulde en Rochlitz - Am Muldefluß in Rochlitz

fotis Cezar

Cezar

Kial verki sen resono?


Kial verki sen resono,
kial verki sen koment'?
Mi ĝin notu ja admono:
Ne plu verku al la vent'.
Min ĉagreno ne detruu
pro tro granda malkontent'.
Mi la vivon tamen ĝuu,
al la mondo en konsent'.

Mi eĉ verku sen resono.
Verki eblas sen koment'.
Ne dependu - jen admono -
de l' publiko kaj de vent'.
Min malico ne detruu,
indas pli por mi kontent'.
Mi verkadon tamen ĝuu,
eĉ se mankas plu konsent'.


http://www.cezarpoemoj.cezarpoezio.de/129.html