Nia etulo infan-precize jam informis nin, ke la patro de la nova kameradino "kantas". Kaj jen li. Simpatia kalvulo, forta, eble kvardekjara viro kun tipe berlina akĉento. - La kutimaj lernejaj temoj: La nova instruistino de la angla (la antaŭa gravediĝis kaj "estas en patrino-protekto", do ne instruos dum la nuna lerneja jaro), la junia ekskurso al ne tro fora porinfana ripozejo apud lago. La somera festo de la lernejo kaj kion la gepatroj povas kontribui. Post du horoj la dorso-torturado sur tro malgrandaj infanaj seĝoj pasis. Miaopinie unu el la plej gravaj argumentoj elektiĝi kiel reprezentanto de la gepatroj, ĉar tiel vi aŭtomate rajtas sidi sur unu el la du normal-grandaj seĝoj por plenkreskuloj apud la ĉefinstruistino.
"Bele, ke ni fine ekkonis vin. Mi esperas, ke via filino sentos sin agrable en nia lernejo." - "Dankon, ĉiuj estas tre afablaj tie ĉi kaj ni havis varman bonvenon." - "Ah, pri tio mi ĝojas. Do eble ĝis la somera festo."
Dum mi adiaŭas kaj kunpakas miajn paperojn alvenas alia patro. "Ĉu vi rekonis la novan?" - "Ne, kial? Simpatia viro, ĉu?" - "Ĉu vi ne konas Knorkator?" - "Kio?" - "Knorkator, la muzik-grupo. Ĉiu en Berlino konas ilin!" - "Ĉu?", mi entuziasmis, kiel mi ĉiam entuziasmas, se iu el la berlinaj indiĝenoj memorigas min pri mia ĉiama statuso de provinca kokido, al kiu mankas eĉ bazaj konoj.
Nu bone, kial la homaro inventis youtube kaj Vikipedio, se ne por helpi al nov-berlinanoj. Kaj fakte mi rapide trovis lin: Jen li en libertempa vestaĵo kaj jen en profesia vestaĵo.
"Hm, hm", mi pensis. Interese. Espereble li povos kontribui al la lerneja festo ...
Miero
-
Francisco estas iom tipa berlinano el la "alternativa" urbo-distrikto Prenzlauer Berg . Antaŭ nelon…
-
04 Mar 2012
Stuntistoj kaj film-akrobatoj ...
-
... anstataŭas aktorojn dum danĝeraj scenoj: Saltoj el granda alto, spektaklaj luktoj, iro tra fajro…
-
26 Feb 2012
See all articles...
Keywords
Authorizations, license
-
Visible by: Everyone (public). -
All rights reserved
-
1 214 visits
La patro-kolego
De tiu jaro ni havas novan lernantinon en la klaso. Dum iuj el la rutinaj "gepatraj vesperoj" mi fine ekkonis ŝian patron. ...
Jump to top
RSS feed- Latest comments - Subscribe to the feed of comments related to this post
- ipernity © 2007-2025
- Help & Contact
|
Club news
|
About ipernity
|
History |
ipernity Club & Prices |
Guide of good conduct
Donate | Group guidelines | Privacy policy | Terms of use | Statutes | In memoria -
Facebook
Twitter
Sign-in to write a comment.