Grupeto de konvinkitoj ĉirkaŭ la geedzoj Renato Corsetti kaj Anna Löwenstein klopodas sisteme ŝanĝi klasikan Zamenhofan Esperanton al iu minimalisma lingvaĵo. Miskomprene referencante al libro de la forpasinta Claude Piron kaj eluzinte ties renomon, ili nomas sian novan lingvon "La bona lingvo".
Neniu tiel klare ĝis nun analizis kaj vortumis la eksterfundamentecon de tiu variaĵo de Esperanto kiel Andreas Kueck. Konata li estas precipe pro sia doktoriga disertacio pri "Kvantaj studoj pri Esperanto kun speciala konsidero de la vortofteco", liaj studoj pri fremdvortoj kaj la 15-a Regulo de la Fundamenta Gramatiko kaj kiel aŭtoro de OLE (Oficialaj Lingvoelementoj de Esperanto). Andreas Kueck sendube apartenas al tiuj, kiuj plej profunde konas la Fundamenton.
Li konkludas: La t.n. bona lingvo "estas ja simila, sed ne egala al la Esperanto celita de la Bulonja Deklaracio" (t.e. la decido de la unua Universala Kongreso de 1905 favore al la Fundamento kiel stabila bazo de Esperanto).
Mi rekomendas legi la mallongan studon de Andreas Kueck.
Mi tute ne kundividas precipe la socipolitikan vidpunktaron de R.Corsetti. Tamen ĉi-punkte mi preskaŭ samopinias. Estas nenio pli facila ol enporti en Esperanton sakegojn da tutpretaj eŭroplingvaj vortoj. Des pli facile, se oni estas eŭropano.
Mi ŝatas ludi kun Esperanta vortofarado, kiu helpas esprimi sin pli precize ol la tro disstreĉebla 15a regulo. Cetere, ĝin oni misuzas diversmaniere.
Tamen mi ne pretas morti batalante kontraŭ ĉiu novenkonduka vorto. Foje tio ne eviteblas.
P.S.Kial ekz. R,Rosetti, lingve elstara aŭtoro, uzas vorton firmo, sed la plej parto de la nunuloj uzas la kriplaĵon firmAo ?
Bernardo has replied to Milokula KatoMilokula Kato has replied to BernardoBernardo has replied to Milokula KatoSign-in to write a comment.