La Tago estis baptita “ Kultura Tago “ de Organizantoj de la Zamenhoftagfesto. Kvar fortaj momentoj signalindas dum tiu tago. La unua estis la prezentaĵoj far kaburbaj Esperantistoj en Esperanto; la dua temis pri la prelego; la tria temis pri la ekspozicio de esperantaĵoj kaj la E-muziko; la kvara estis la ekskurso de Klubanoj.

La vetero estis admirinda tuttage, sunis kaj ventis, kiel kutime en Kaburbo. Ĉio startis per la alveno de la invititoj. Ĉirkaŭ trideko da neeperantistoj estis invitita ĉar la nombro estis limigita pro la malgrandeco de la lokalo. Ĉiuj respondis jese kaj alvenis fizike.
La tagprogramo estis en la mano de la gejunuloj (Organizantoj de la Zamenhofa Tago) de Kaburba Esperanto-Junularo (KEJ). Tamen , moderis la Kultura Konsilanto de Kaburba Esperanto-Klubo (KEK), Viktoro Kaswala. Sekvis, post la alveno de ĉiuj invititoj, la komenco de la ceremonio per la bonvena vorto far Trezoro Mokelo, Prezidanto de KEJ kaj Organizantestro de la Zamenhofa Tago. La Prezidanto de KEJ varme deziris bonvenon al ĉiuj partoprenantoj klariginte la kialon kaj la gravecon de la ceremonio. Poste, li prezentis la gvidantaranojn de KEJ. La ĉeestantoj aplaŭdis je la fino de la prezentado. La alia etapo estis la prezentaĵoj far esperantistoj. En Esperanto kelkaj junuloj demonstris antaŭ la neesperantistoj: La prezidanto de KEJ legis longan tekston el la revuo Esperanto; la Vicprezidanto de KEJ, Shem Kabanza, poemis; kaj la Ĝenerala Sekretario de KEJ, Sommet Muendele, legis unu longan ĉapitron de la Nova Testamento.

Venis la grava momento de la Zamnhoftago. S-ro Emile Malanda, fondinto kaj Kunordiganto de la E-Klubo en Kaburbo, estis invitita antaŭ la ĉeestintoj por prelegi. Li prelegis pri mallonga temo kiu havis longan kaj klaran enhavon: “ Esperanto, Lingvo Internacia”. Li substrekis de la vivo de Zamenhof ĝis la nuna evoluo de Esperanto en la mondo. La partoprenintoj estis entuziamigitaj de la prelego kaj venis multaj demandoj dum la debato. La preleganto kontentigite respondis kaj, konvinkita, la plejparto estis allogita al Esperanto.

Sekve, la moderanto invitis ĉiujn al la ekspozici-tablo pri kiu respondecis Kabos Tanze, la Vic-Sekretario de KEJ. Ankoraŭfoje la Invititoj admiris la realizaĵojn en Esperanto kaj miris. Ĉirkaŭ 40 esperantaĵoj ekspoziciiĝis. La plejparto de E-libroj estis donacitaj de s-ro Colin Beckford (Sudafrika Ĉefdelegito de UEA), profesoro Harro von B. (Ĝenerala Sekretario de Esperanto-Asocio de Sud-Afriko) kaj kelkaj de s-rino Betty Chatterjee de Kopenhago (Dana Korespondantino de Kaburba E-Klubo). La asembleo estis invitita al la koktelo dum la E-muziko sonis. Respondecis pri la E-muziko Dieudonné Ndaya, la Sekretario kaj Administranto de KEK.

Je la fino de la ceremonio ĉiuj partoprenintoj brakumiĝis unu la alia kaj la moderanto dankis kaj adiaŭis ĉiujn. La lasta etapo estis la ekskurso de kaburbaj Esperantistoj. La Klubanoj kiuj pagis la aliĝkotizon al la ekskurso rekte iris al la haltejo de la famaj turismaj Busoj tiel nomataj “City SightSeeing Cape Town (Red City Tour)“. Ili fiere enlokiĝis en la ruĝa buso kaj ekskursis du horojn varmetose. Ili admiris la belecon de la urbo.

Emile Malanda ( klubodekaburbo @ gmail.com ), Trésor Mokelo ( kejunularo @ gmail.com, kejunularo@yahoo.co.za ). Forigu la blankajn spacojn ambaŭflanke de @.

Foto-albumo pri Esperanto-aktivado en Kaburbo, Sudafriko / Album-photo sur les activités pour l'espéranto au Cap, Afrique du Sud