EEU-kongreso Rijeka 2014

La 11-an de junio 2014 la ŝtatprezidanto de Respubliko Kroatio Ivo Josipović akceptis delegitaron de esperantistoj okaze de lia aŭspicio je 10-a kongreso de EEU en Rijeka. Sur la foto estas: Nikola Rašić, Spomenka Štimec, Zlatko Tišljar, Sean O Riain, Ivo Josipović, Boris Di Costanzo, Đivo Pulitika kaj Anto Mlinar

La akcepto daŭris pli ol 35 minutojn kaj okazis malstreĉa konversacio. Sean parolis E-on kaj Nikola interpretis. La prezidanto aparte interesiĝis pri muziko en Esperanto (li estas profesia muzikisto - komponisto) kaj petis ke ni sendu al li informojn pri tio, kion mi jam plenumis. Li ankaŭ petis tekston de traduko de la kroatia himno.